<img height="1" width="1" style="display:none" src="https://www.facebook.com/tr?id=771804739617666&amp;ev=PageView&amp;noscript=1">

Өсвөр насны хүүхэдтэй эцэг эхчүүдэд зориулав

Posted by М.Баярмаа on Nov 27, 2018 5:59:00 PM

Өсвөр нас гэдэг бол хүүхдийн тань хувьд хамгийн чухал үе. Энэ үед таны хүүхэд маш эмзэг бөгөөд сэтгэлийн хөдлөл ихтэй болсон байдаг. Ийм үед эцэг эхчүүд та бүхэн хүүхэдтэйгээ харьцахад заавал анхаарах ёстой таван зүйлийг оруулж байна.

Цааш унших

Сэдэв: Зайрмаг

ЗАЛХУУРЛЫГ ХЭРХЭН ДАВАН ТУУЛАХ ВЭ ?

Posted by М.Баярмаа on Nov 20, 2018 5:25:00 PM

Бид заримдаа өөртөө энэ өгүүллэгийг уншиж дуусаад л ажлаа эхлэе гэж хэлчихээд нөгөөхөө уншсаны дараа ахиад л нэг дэмий зүйлээр оролдож цаг нөхцөөдөг. Ингэсээр байтал өдрийн хугас өнгөрч, хийх ёстой ажил ч урагш ахидаггүй. Тэгээд хамгийн сүүлийн мөчид өөрийнхөө залхуу, зохион байгуулалт муутайг гайхсаар нөгөө ажлаа барьж авна. Үр дүн нь стресс, найз нөхдийнхөө итгэлийг алдах, ажил дээр асуудал үүсэх, бусдын өмнө буруутан болох гэх мэт асуудлууд ундарч эхэлдэг.

Цааш унших

Сэдэв: Зайрмаг

Эмэгтэйчүүд ямар бэлэг авахыг хүсдэг вэ ?

Posted by М.Баярмаа on Nov 5, 2018 4:38:00 PM
Ингэхэд эмэгтэйчүүд хүслэн болсон бэлгээ авдаг билүү? Бүсгүйчүүдэд чухам юу бэлэглэвэл зохих тухайд эрчүүд өөрийн гэсэн төсөөлөлтэй байдаг. Гэтэл эрчүүдийн сонгосон бэлэг бүсгүйчүүдийн хүсэл сонирхолд тэр болгон нийцдэггүй билээ. Ингээд эмэггэйчүүдийн баяраар хатагтай нар ямар бэлэг авахыг илүүд үздэг вэ?

Цэцэг

Танилдаа юм уу хамт ажилладаг бүсгүйдээ баривал илүү оносон хувилбар болно. Харин таны ойр дотны бүсгүйчүүд илүү жинтэй бэлэг хүлээдэг гэнэ. Цэцэг нь түүний ердөө сайхан дагалдах хэсэг байдаг аж. Хатагтайн сонирхлыг урьдчилан мэдвэл илүүдэхгүй, тэр сарнайд дуртай байтал та гамба цэцгийн баглаатай ирвэл яана...

Чихэр

Бүсгүйчүүд бүгд л чихэр шоколаданд дуртай гэж үздэг. Гэхдээ яг ч тийм биш л дээ. Хэрэв та хамт ажилладаг эмэгтэйчүүддээ баяр хүргэх болбол "чихрийг" сонговол илүү тохиромжтой. Хэрэв та хайртай бүсгүйдээ чихрийн цуглуулга барьвал оновчгүй сонголт болох болов уу. Учир нь таныг "өөрт нь зориулж бэлэг" сонгосонгүй гэж гомдох болно.

Гоо сайхны хэрэгсэл ба үнэртэн

Сүрчгийг эмэгтэйчүүдийн баяраар хайртдаа өгдөг уламжлалт бэлэг гэж үздэг. Эрчүүд худалдагчийн зөвлөснөөр сонгож авсан сүрчгээ найз бүсгүйдээ бэлэглэдэг. Тэгээд дараа нь найз бүсгүй нь яагаад бэлэглэсэн сүрчгийг нь шүүгээндээ хайш яйш хийгээд өөрт чинь дурамжхан хандаж байгаад гайхдаг. Үүгээр зогсохгүй зарим эрчүүд гоо сайхны цуглуулга, уруулын будаг, зовхины будгийг өөрийн дураар авдаг гэнэ. Тэгвэл эрхэм эрчүүдээ, ийм бэлгийг зөвхөн эмэгтэй хүний дур сонирхлын дагуу өгөх хэрэгтэй гэж зөвлөе. Нэг бол бэлэг авахдаа найз бүсгүйтэйгээ хамт яв, нэг бол дуртай зүйлийнх нь тухай түүнээс асуу, бас тодорхой захиалга ч авч болно шүү дээ.

Гоёл чимэглэл

Муугүй бэлэг. Гоёл чимэглэлийн зүйлийг та өөрөө сонгож болно. Гэхдээ тэр эмэгтэй хүнд тохирч, түүний нүд хувцас зэрэгт зохисон байх ёстой.
Гоёл чимэглэлийн үнэтэй зүйлийг зөвхөн эхнэр, сүйт бүсгүй, эсвэл хайртай хүндээ бэлэглэдэг уламжлалтай. Учир нь иймэрхүү бэлэг "үүрэг хүлээлгэдэг". Хэрэв та зүгээр л болздог бүсгүйдээ бриллиантан шигтгээтэй богж бэлэглэвэл түүнийг эвгүй байдалд оруулж мэднэ. Харин дараа нь эмэгтэйчүүдийн баяраар сайхан бэлэг өгөх гэсэн юм гэж тайлбарлах хэрэггүй. Тиймээс харилцаа цаашдаа гүнзгийрэх үедээ байгаа бол илүү хямдхан бэлэг бэлэглээрэй.

Дотуур хувцас

Ойр дотны, сайн мэдэх бүсгүйдээ энэ бэлгийг зориглон барьж болно. Гэхдээ та түүнтэйгээ дотны харьцаатай л бол дотуур хувцас бэлэглэх нь таатай байдгийг санагтун. Тийм биш бол уг бэлгийг битүүгээр ойлгуулсан хэрэг гэж үзээд танд гомдож магадгүй юм.

Гэр ахуйн хэрэглэл

Мартын 8-наар эхнэртэй хайруулын таваг бэлэглэвэл гэр бүлийн дотор хэрүүл уруул үүсгэх уршигтай гэдгийг эрчүүддээ сануулья. Хэрвээ бүсгүй тань хараахан таны эхнэр болоогүй байгаа бол бүр ч долоон дор юм болно. "Чиний байх газар бол гaл тогоо" гэж хэлсэнтэй яг адил. Иймээс сав суулга гэх мэт ахуйн хэрэгслийг зөвхөн урьдчилан тохиролцсоноор бэлэглэвэл зохино.

Жижиг сажиг зүйл

Ийм бэлэг хөөрхөн байж болно. Гэхдээ бүсгүйчүүд гол төлөв эдэлж хэрэглэхэд илүү хэрэгтэй зүйл бэлгэнд авахыг хүсдэг. Эмэгтэйчүүдийн зарим нь тавиур дээрээ тавиад нүд баясан харж байх янз бүрийн жижиг сажиг зүйлд дуртай байдаг боловч энэ нь нийтлэг бус хааяа л тохиолдох зүйл юм.

Ном, диск

Ийм бэлгийг төрсөн өдөр, шинэ жил гэх зэрэг баяраар бэлэглэвэл тохирно, гэхдээ бүсгүйчүүд Мартын 8-наар өөрийгөө чухам эмэгтэй хүн бэ гэдгээ мэдрэхийн тулд ийм бэлэг авахыг хүсдэг гэнэ. Иймээс та ном эсвэл диск бэлэглэх гэж байгаа бол хүйсийн онцлогт заавал тохируулсан байх ёстой.

Мөнгө

"Хайрт минь май, юу дуртайгаа худалдаж ав!" гэснээр асуудлыг шийдлээ гэж эрчүүдэд санагддаг. Гэхдээ "баярын" шагналыг албан тасалгаанд гардуулбал цагаа олсон хэрэг болдог бол албан ёсны бус байдалд энэ нь тийм биш. Эмэгтэй хүн танаас зөвхөн бэлэг биш мөн анхаарал халамжийг хүлээж байдаг. Бэлэг сонгоход та их цаг зав зарцуулсан байвал эмэгтэй хүн таныг өөртөө төдий чинээ хайртай юм байна гэж бодно.

Ингээд хэрэв та эмэгтэй хүн чухам ямар бэлэг авахыг хүсч байгааг зөв тааж чадвал бүсгүйчүүдийн хамгийн хүсч байсан бэлэг нь болно. Энэ бол тийм ч хэцүү зүйл биш ээ.

Эмэгтэй хүнийг ажигла, үзэл бодол, дур сонирхлыг нь тодруул. Тэгвэл та бэлгийнхээ хариуд чин сэтгэлийн баяр, талархал хүлээн авах бөгөөд эмэгтэйчүүдийн баяр нь бас та хоёрын хамтын баяр болох болно.
Цааш унших

Сэдэв: Зайрмаг

Цагийн менежментийг сайжруулах 7 арга

Posted by М.Баярмаа on Oct 22, 2018 11:27:15 AM

Бидний хувьд цагийг үр дүнтэй өнгөрүүлэх нь хүндхэн ажлуудын нэг болоод байгаа билээ. Анхаарал сатааруулах зүйлд хязгаар үгүй тул өдрийн хэдэн цагийг эсвэл долоо хоногийн хэдэн өдрийг тийм ч хэрэгтэй биш,  зугаатай бус байдлаар өнгөрүүлэх нь элбэг. Иймд цагаа зөв хуваарилж сурах нь таны амьдралыг илүү хялбар болгож амжилттай ажиллахад тань тусална.

Цааш унших

Сэдэв: Зайрмаг

Амьдралыг чинь өөрчилж чадах санаанд оромгүй дадлууд

Posted by М.Баярмаа on Oct 17, 2018 2:14:05 PM

 

Хорвоо зөвхөн чамайг тойрон эргэх албагүй
Хэн нэгэн чамайг үл тоомсорлож, чамтай найрсаг биш байдлаар харьцах дүр зураг чамд дэндүү танил санагдаж байна уу? Дэлгүүрт таарах худалдагч, ажил дээр харьцах үйлчлүүлэгч, зам дээр зөрөөд өнгөрөх танихгүй хүн гээд өдөр тутмын амьдралд биднийг чиглэн ирэх сөрөг хандлагууд хаа сайгүй бий. Энэ нөхцөл байдал бүрд хариу үйлдэл үзүүлээд байвал чи үргэлжид хэн нэгэн хүнээс болж бухимдах болно. Харин эсрэгээрээ нөхцөл байдалд дасан зохицож өөрийнхөө эерэг хандлагыг хадгалж үлдэхийг хичээх нь хамаагүй дээр шийдэл. Хөндлөнгийн хүнд сэтгэл санааныхаа унтраалгыг дээш, доош нь болгох боломжийг олгохгүй байхад суралцах нь тун чухал дадал юм.  
Өдөр бүхэн нэг догол мөр

Чи бестселлер номын зохиолч болох мөрөөдөлтэй юу? Аль эсвэл тархиндаа бодож яваа бизнес төлөвлөгөө цаасан дээр хэрхэн буулгахаа мэдэхгүй будилж яваа нэгэн үү? Эсвэл зүгээр л өөрийнхөө үзэл бодол, мэдрэмжийг бусдад түгээхийн тулд блог бичиж эхлүүлэхийг хүсэж байгаа хүн үү? Эдгээрийн аль нь ч байлаа гэсэн чамд ганцхан л зөвлөгөө өгье. Өдөр болгон ердөө юуны ч талаар хамаагүй ганцхан догол мөрийг л бич. Өдөр бүхэн бичээд л байх тусам бодол санаагаа цэгцтэйгээр бичгийн хэлээр бусдад ойлгуулах нь чиний хувьд үнэхээр хялбархан зүйл болж хувирах болно. Гэхдээ эхний ээлжинд өөрийгөө зовоох хэрэггүй, ердөө ганц өгүүлбэр ч бичсэн хангалттай.
Банкны дансаа тогтмол шалга

Ухаалаг банкны үйлчилгээ өргөн дэлгэрсэн энэ үед өдөр бүхэн таван минутыг санхүүгийн зарцуулалтаа нягталж хянахад зарцуулаарай. Өдөр бүр дансаа шалгах нь хэтэрхий их тоо шиг сонсогдож байна уу? Хэрвээ чи энэ дадлыг өөрийн болгочихвол харин ч бага тоо шиг санагдах болно. Яг өнөөдрийн байдлаар чиний дансанд хэдэн төгрөг байгаа, өнөөдөр нийт хэдэн төгрөгийг юунд зарцуулсан бэ? гээд санхүүгийн байдлынхаа талаар тодорхой бөгөөд тогтмол мэдээлэлтэй байвал сарын эцэст кредит картынхаа хуулгыг хараад савж унах шаардлагагүй болно шүү. Санхүүгийн сахилга бат гэдэг хамгийн энгийн ийм л үйлдлээс эхэлдэг юм шүү дээ.  
Тогтвортой бай 

Орчин цагт төгс төгөлдөр амьдралын хэв маягийг өдөр бүхэн амжилтын шатаар зогсолтгүйгээр өгсөн гарах явдлаар л төсөөлөх нь элбэг болж. Гэвч яг үнэндээ бол гэрийн ажил, угаалга цэвэрлэгээг тогтмол хийх, эрүүл хооллохыг хичээх, ажлаа цаг тухайд нь хийж дуусгах, дасгал хөдөлгөөн хийх цагийг өөртөө гаргах гэх мэтчилэн хамгийн эгэл жирийн дадлууд л бидний амьдралын чанарыг тодорхойлж байдаг. Үргэлж өөрчлөгдөн хувьсаж байдаг энэ цаг үед ганц ч гэсэн зүйлийг тогтвортойгоор хийж, түүндээ үнэнч байх нь чиний бодсоноос ч илүү чухал дадал юм шүү.  
Одоогийн тав тухаас ирээдүйн тав тухыг илүүд үз

Зөвхөн одоо цагт чамайг жаргалтай байлгах зүйлийг биш ирээдүйн мөрөөдөж, төсөөлж байгаа амьдралдаа зориулан сонголт хийхэд суралцаарай. Жингээ хаяж, гоолиг биетэй болмоор байна уу? Оройн хоолныхоо дараа зайрмаг идэхийн оронд яг одоо гараад гүй. Гадаадын их дээд сургуульд тэтгэлэгтэй суралцмаар байна уу? Найзуудтайгаа баасан ахын төрсөн өдрийг тэмдэглэхийн оронд хэлний шалгалтандаа бэлд. Чиний ухаалаар гаргасан шийдвэр бүхэн чинь чамд ирээдүйд баярлалаа гэж хэлэх болно гэдгийг амлая.  
Хариуцлагатай бай

Хариуцлага гэдэг үгийн үндэс хариу шүү дээ. Тэгэхээр хариуцлагатай байна гэдэг нь хариутай байхын нэр юм. Хэн нэгэн чам руу мессэж илгээвэл заавал хариуг нь илгээ. Завгүй байх үед чинь ирсэн дуудлагыг харсан дариудаа эргүүлээд залга. Маш бяцхан зүйлээс л хүний хандлага, итгэл дааж чадах нэгэн эсэх нь харагддаг юм шүү.  
Үргэлж дүүрэн түлштэй байхыг хичээ

Чи 24 цагийн турш тасралтгүй ажиллах чадвартай робот биш. Бүтээмжтэй байхын тулд чиний биед зайлшгүй түлш хэрэг болно. Өглөө, өдөр, оройн хоолоо бүү алгасахгүй байхыг хичээн, ядарч байгаа үедээ ажлаа хойш нь тавиад хангалттай нойр авч сураарай. Амьдралын суурь зүйлсийг хойш нь тавиж ажлынхаа төлөө улайрч зүтгэх нь чамайг огтхон ч завгүй, чухал нэгэн болгож харагдуулахгүй. Харин ч эсрэгээрээ байж мэдэх юм.  
Зөв нөлөөлөлд авт 

Хэн нэгнийг таниж мэдэхийг хүсвэл түүний хамгийн дотны 5 хүнтэй нь л танилцахад хангалттай гэдэг үг байдаг даа. Харин орчин үед бол дотны хүмүүсээс гадна сошиал орчинд бидний дагаж байгаа хүмүүс, дийлэнхи цагаа өнгөрүүлдэг оффисын тохижилт гээд санаанд оромгүй зүйлс ч бидний дотоод ухамсарт их бага хэмжээгээр нөлөө үзүүлдэг болсон гэж байна шүү. Чамайг тойрон хүрээлж байгаа эд зүйлс, өдөр тутамдаа хүлээж авч байгаа мэдээллүүд нийлээд ирээдүйд чиний хэн болохыг тодорхойлж байдаг тул өөрийн орчин тойрныг эерэг зөв зүйлсээр хүрээлүүлэхийг хичээгээрэй.
Юуг ч хүлээх хэрэггүй, шуудхан хийж эхлүүл

Хувь хүний хөгжлийн тухай олон алдартай номын зохиолч Mel Robbins-ийн “5 секундын дүрэм” номонд өгүүлснээр бол ямар нэгэн гайхалтай санаа хүний тархинд орж ирсэнээс хойш хэдхэн секундын дараа чиний тархи тэрхүү санаатай зөрчилдөж, тэр санааг үгүйсгэж эхэлдэг гэнэ шүү. Амьдралдаа ямар нэгэн өөрчлөлт хийхийг хүсэж байгаа бол сайхан санаа төрөх төдийд л түүнийг санаа төдийхөн хэвээр нь хадгалах биш шуудхан л ажил хэрэг болгох ёстой байх нь.
Хамгийн түрүүнд “мэлхийгээ ид” 

Мэлхийгээр чиний хийхийг хүсдэггүй, үргэлж хойш нь тавидаг, тойрч зугтааж явдаг ажлыг зүйрлүүлсэн хэрэг л дээ. Өглөө болгон хамгийн түрүүнд мэлхийгээ идээд сурчихвал өдрийн туршид хий дэмий санаа зовнилоор сэтгэлээ чилээх шаардлагагүй болно.
Илүү ихийг унш

Чи 7 хоногт нэг ном уншиж дуусгах дадалтай номын хорхойтон биш байж болно л доо. Гэхдээ уншихгүй байх нь хувь хүнийхээ хувьд тасралтгүй өсөж хөгжин, суралцахаа зогсоох шалтаг болох ёсгүй юм шүү. “Ярьвал та өөрийн мэдэх хүртлээ л ярьна, харин сонсвол мэдэхгүйгээ нэмж сонсоно.” гэж Далай лам хэлсэн байдаг.   Medium.com  дээр сонирхолтой нийтлэл бичдэг хүмүүсийн блогийг дага, өдөр бүхэн дэлхий даяар юу болж байгаа талаарх мэдээллийг баталгаатай эх сурвалжаас ав. Ном барьж суух зав маруухан бол сонсдог ном, подкастуудыг   “эндээс”   “эндээс”  татаж аваад чөлөөт цагаа уншихад зарцуулаарай. Мэдлэгийнхээ хүрээг тэлэх хамгийн сонгодог бөгөөд шигшмэл арга бол яалтачгүй унших юм.  
Сошиал орчинд хязгаар тогтоох

Буйдангийнхаа өмнө суугаад телевизийн суваг дээш доош нь гүйлгэх зуршил маань одоо үед ухаалаг утсаа маажих зуршлаар солигджээ. Сошиал орчинд хэтэрхий их цаг хугацааг зарцуулж байгаагаа бидний хэн хэн маань мэдэж байгаа. Нийгмийн харилцаанд орохын тулд сошиал хаягууд дээрээ идэвхитэй байхаас өөр зам бидэнд үгүй тул ухамсартайгаар хэрэглээгээ хязгаарлаж сурах нь чухал юм. Өдрийн хамгийн бүтээмжтэй байх цагтаа сошиал хаягуудаа огт шалгахгүй байх, сошиал хаяг руугаа орохын өмнө утсан дээрээ stopwatch асаах (15 минут л утсаа оролдоно гэж өөртөө хязгаар тогтоож байгаа хэрэг) зэргээр зах хязгааргүй хэрэглээгээ бага ч атугай танахыг хичээгээрэй.
Өөрийгөө холоос ажигла

Ажил хэрэг ч бүтэхгүй, дотны хүмүүстэйгээ ч таагүй харилцаатай байх нэг тийм завсрын үе бидний амьдралд хааяа хааяахан гарж ирдэг шүү дээ. Тэр үедээ нөхцөл байдалтай чаргууцалдаж, улам ухаж төнхөх нь байдлыг илүү хүндрүүлдэг сул талтай. Үүний оронд өөрт тохиолдож байгаа явдлыг сайн найзынхаа амьдралд тохиолдож байна гээд төсөөлөөд үзээрэй. Сайн найздаа зөвлөгөө өгч байгаагаар өөрийнхөө асуудлыг хөндлөнгийн хүний нүдээр ажиглах үед чи илүү эрүүл, зөв шийдлийг олох болно.  
“Үгүй” гэж хэлэхэд суралц

Чиний эрч хүчинд хязгаар гэж бий. Тийм болохоор хүн бүхэнд сахиусан тэнгэр шиг харагдахыг хичээн “за” гэж хэлээд байвал нэг л өдөр чи эрч хүчээ хэзээ ч сэргээж чадахгүй нөхцөл байдалтай тулгарна. Зөв цагтаа зоригтойгоор “үгүй” гэж хэлэхэд суралц. “Үгүй” гэж хэлэхэд тухгүй, таагүй мэдрэмж төрдөг бол тэр мэдрэмжээ алга болтол хүмүүст “үгүй ээ” гэж хэл. Энэ нь хувиа хичээж байгаа явдал биш, өөрийн доторхи хүнээ хайрлаж халамжилж байгаагийн илрэл юм. Учир нь чамд хүсэхгүй байгаа зүйлээсээ татгалзах эрх бий шүү дээ.  
Байгаа зүйлсдээ сэтгэл ханамжтай бай

Үдэшлэгт уригдах үедээ дэлгүүрээс шинэ даашинз худалдан авахын оронд хуучин даашинзан дээрээ чамин акксесуар нэмж зүүгээд л гараад яв. Найзуудаа гэртээ оройн хоолонд урьсан бол дэлгүүрээс тансаг хоолны материал цуглуулахын оронд хөргөгчинд байгаа хүнсээ бүтээлчээр ашиглан хоол хийх гээд нэг үзээрэй. Байгаа зүйлсдээ сэтгэл хангалуун байх нь, тэднийгээ зөв зүйтэй ашиглахад суралцах нь аз жаргалтай байхын үндэс болдог.  
Өдөрт ердөө ганц

Хоолны дэглэмээ тэр чигт нь өөрчилж, амаараа орж байгаа хүнс бүхнийг эрүүл, органик биед тустай байлгах гээд өөрийгөө хүчлэх хэрэггүй дээ. Харин түүний оронд өдөрт ердөө ганц л эрүүл бус хоол хүнсний зүйлээс (цөцгийтэй зайрмаг резинин чихэр шоколадтэй жигнэмэг гэх мэтийн) татгалзаад сурчих. Өдөрт ердөө ганцхан удаа өөртөө “үгүй” гэж хэлэхэд л хангалттай.  
Өнөөдөр би юу хийж бүтээв? хэмээх асуултыг өдөр бүр өөрөөсөө асуух

Ажлын газрын үүдний хананд маань яг дээрх өгүүлбэр байдаг юм. Холын зорилго байхгүй хүнд ойрын зовлон мундахгүй гэдэг шүү дээ. Ойр зуурхны ахуйн асуудлуудад бууж өгөхгүй, мөрөөдлөө өдөр бүхэн санаж явахад минь энэ ганцхан энгийн асуулт үнэхээр их хувь нэмэр оруулдаг учраас чамайг ч мөн адил энэ асуултыг өөрөөсөө өдөр бүхэн асууж байгаасай хэмээн хүсэж байна.
Цааш унших

Сэдэв: Зайрмаг

Амжилттай хүмүүсийн 10 зуршил

Posted by М.Баярмаа on Sep 28, 2018 9:00:39 AM

Бидний ихэнх нь амжилтад хүрэхийг хүсдэг. Бид гайхалтай түүх, амжилтад хүрсэн хүмүүсийн ярилцлагыг тэдэнтэй адилхан болохын тулд уншдаг. Гэхдээ бид төгс амьдралын “жор”-ын дэлгэрэнгүйг олж мэдэхийг хүсдэг.

Цааш унших

Сэдэв: Зайрмаг

Хүүхдийн сурлагын амжилтанд нөлөөлдөг дөрвөн хүчин зүйл

Posted by М.Баярмаа on Sep 28, 2018 8:57:06 AM

 

Цааш унших

Сэдэв: Зайрмаг

Бид яагаад сайн зуршлыг бий болгох хэрэгтэй вэ?

Posted by М.Баярмаа on Sep 28, 2018 8:50:56 AM

 

Чи өглөө босоод хамгийн түрүүнд юу хийдэг вэ? Утсаа шүүрч аваад facebook, instagram-аа шалгадаг уу эсвэл шуудхан л нойлын өрөө рүү гүйн ордог уу? Нүүрээ будчихаад хувцасаа өмсдөг үү, хувцасаа өмсчихөөд нүүрээ буддаг уу? Өглөө болгон ямар замаар ажил руугаа явдаг вэ? Өдрийн хоолондоо гэрээсээ бэлтгэсэн хоолоо иддэг үү, гадуур хооллохыг илүүд үздэг үү? Ажлынхаа дараа фитнесс заал руу явдаг уу эсвэл гэртээ харьж сайхан сериал үзэж хэвтэх дуртай юу?Бидний өдөр тутамдаа хийдэг том жижиг хамаагүй маш олон сонголтууд маань бидэнд зуршил болон тогтдог байна. Бидний өглөөнөөс орой болтол өөрсдөө ч анзааралгүйгээр үйлдддэг үй олон зуршлууд маань бидний эрүүл мэнд, ажлын бүтээмж, санхүүгийн байдал, аз жаргал зэрэгт асар их нөлөө үзүүлдэг тухай та урьд нь төсөөлж байсан уу? Сандарсан үедээ хумсаа мэрэх, оройн цагаар зүсэм бялуу идэх, шаардлагагүй ч гэсэн байнга утсаа маажихаас авахуулаад архи тамхи мансууруулах бодис мөрийтэй тоглоомонд донтох гээд бүгд л яг л нэг ижил шинж чанартай муу зуршлууд юм. Зарим нь гэр бүл, улс оронд ч гай тарьж мэдэхээр хор хөнөөлтэй байдаг учраас л бид нар анхаарлаа илүү хандуулдаг болохоос биш бүгдээрээ л ижилхэн өдөөгч хүчин зүйлээр үүсгэгдсэн ижилхэн зуршлууд. Хүн өөрийнхөө муу зуршлуудын өдөөгчийг олж тогтоон устгах боломжтой адил сайн зуршлуудыг ч гэсэн цоо шинээр өөртөө суулгаж болох боломжтой. Архинд донтсон залуу, чихрэнд донтсон хүүхэд аль нь ч ялгаагүй өөрийнхөө зуршлыг муухай гэдгийг ухаардаг, болихыг хичээдэг ч гэсэн хүссэнээр нь болж өгдөггүйн шалтгааны учрыг энэхүү номноос уншаарай. 

Хэрхэн сайн зуршлыг бий болгон амжилтанд хүрэх вэ?

1. 1 сонирхолтой зүйл гэвэл бидний ой санамж устсан ч бидний урьдны зуршил маань хадгалагдан үлддэг. Учир нь хүнд ямар нэг зуршил тогтсон л бол тархи ухамсарын түвшинд шийдвэр гаргахаа больдог байна. Анх удаа машин барьж байгаа жолооч жолооныхоо хүрд, цонх, хааз тоормос гээд л бүх л зүйлд бүх анхаарлаа төвлөрүүлдэг бол олон жил барьсан туршлагатай жолооч жолоо барингаа утсаар ярьж, юм ууж идэн маргаашийнхаа ажлыг хүртэл толгойдоо төлөвлөж чаддагийн учир энэ аж. Тийм болохоор ямар ч зүйлийг 50,100,1000удаа давтах үед тухайн үйлдэл зуршил болон хувирч бидний тархинд нэг талаараа амралт болж өгдөг. Хүн өөрийнхөө үйлддэг ихэнх үйлдлээ зуршил болгон хувиргаж чадвал тархи үр ашигтай ажиллаж илүү бүтээлч зүйлсүүдэд өөрийн энергиэ зарцуулах боломжтой болдог ажээ. Өдөрт 10000 алхах ч юмуу, өдөрт 50 хуудас унших нь өдөр болгон давтагдаад ирэхээрээ хүний бие, тархинд ачаалал өгөхөө болин өдөр ирэх тусам тун амархан өөрийн эрхгүй л үйлдэгдээд ирэх болно. Күнзийн хэлсэн “ Их бүү хий, бага бүү хий, өдөр бүр хий “ гэдэг үг тун ч үнэн үг байгаа биз. 

2. Шунал хүсэл бол зуршлын хамгийн том өдөөгч хүчин зүйл. Жишээ нь: амттай шарсан тахиа оройн хоолны ширээн дээр байх үед бид хэдий хоолны дэглэм барьж байсан ч хамаагүй нэг мэдэхэд тэр зүг рүү гараа явуулчихсан байдаг. Тийм ч их өлсөөгүй хэрнээ тэр хоолонд шунах сэтгэлээ барьж дийлэлгүй жаахныг идчихэд сэтгэл санаа хамаагүй дээрдээд явчихдаг. Учир нь шунал хүсэл маань хангагдчихсан учраас тэр. Үүнтэй ижлээр сайн зуршлыг ч өөрийн болгохыг хүсвэл зуршлыг өдөөх шуналаа зөв тодорхойлж чадвал зуршил удаан хугацаанд хадгалагдах бүрэн боломжтой.

3. Зуршлаа өөрчлөхийн тулд олон аргыг нэгэн зэрэг ашиглах биш харин ганцхан зүйлд төвлөрөх нь илүү ашиг тустай. Жингээ хасахыг хүссэн хүмүүс гэнэт л чанга хатуу хоолны дэглэм барьж, биендээ ахадсан дасгалууд хийж, усны үхэр шиг л зогсоо зайгүй ус ууж эхэлдэг. Гэтэл тэр олон зуршлыг хүн нэг дор хэвшүүлэх нь тун хэцүү учраас ихэнхи хүмүүс сар, хагас сарын дараа л бууж өгөн, өөрийнхөө туйлбаргүй, тэвчээргүйдээ гутарцгаадаг. Харин зуршлаа өөрчлөхийн тулд ганцхан л зүйл дээр төвлөрөн тухайн зүйлээ ягштал баримтлан хийж чадвал зуршил маань өөрчлөгдөхийн хэрээр түүнийгээ даган өөр олон өөрчлөлтүүд гарч ирдэг байна. Жишээ нь гэхэд жингийн илүүдэлтэй хүмүүст зөвхөн өдөрт идсэн хоолныхоо нэрсийг л өдөр бүр бичээд бай гэдэг даалгавар өгч 6 сарын дараа үр дүнг нь харахад бүх хүмүүс нь ямар нэг байдлаар жингээ хасан тэрүүгээр ч зогсохгүй ихэнхи нь эрүүл хоолны хэвшилтэй болсон байж. Өдөр бүр өөрийнхөө идэж байгаа амттан, чихэр, хийжүүлсэн ундааг жагсааж бичих болгондоо өөрийгөө буруу хооллож байгааг ухаарч аажмаар өдөр болгон бичдэг жагсаалтаа илүү эрүүл хоол хүнсний нэрсээр солихыг хүссэн хэрэг. Тийм учраас олон зүйлийг нэгэн зэрэг эхлүүлэлгүй ганцхан жижиг зүйлийг л маш тууштайгаар хэвшүүлж чадвал зуршил өөрчлөгдөх бүрэн боломжтой. 

4. Зуршлаа солихын тулд зайлшгүй түүнийг орлох өөр давтамжит үйлдлийг олох ёстой. Тамхинаас гарахыг хүсвэл тамхи татсаны дараа мэдрэгддэг тэр сэтгэл ханамжийг өгч чадахаар өөр шинэ үйлдлийг бодож ол. Сэтгэл санаа таагүй үедээ өөрийн мэдэлгүй уушийн газрын хаалгыг татдаг зуршилтай бол өөрийнхөө бэрхшээлийг архи ууж биш спортоор хичээллэж даван туулдаг бол. Чамтай ижлээр өөрийнхөө зуршлаа солихыг хүсч буй хамт олонтой нэгдэн нийлвэл зуршил өөрчлөгдөх магадалал илүү өсөх болно.Мэдээж хүн болгон л муу зуршлаа даван туулж сайн зуршлаар өөрийгөө хүрээлүүлж чаддагсан бол хорвоо дэлхий хэзээ ч ийм байхгүй байсан байх. Хүнд хэцүү, маш их цаг хугацаа зарцуулах нь ойлгомжтой ч гэсэн ядаж оролдоод үзэх хэрэгтэй шүү дээ. Ганцхан хүний зуршил өөрчлөгдсөнөөр түүний гэр бүл, ажлын хамт олон, нийгэмд маш олон өөрчлөлтүүд гарах болно.

Америкчуудыг тэр даяар нь шүд угаах зуршилтай болгон сая сая Пепсодент оог зах зээлд нэвтрүүлж чадсан зар сурталчилгааны мэргэжилтний тухай, илүү хямдхан ижил чанартай өөр сонголтууд байсаар байтал америкчууд яаагаад зөвхөн starbucks-ийн үнэтэй латтег л сонгон уудаг тухай, бүсийнхээ хамгийн сүүлд бичигддэг баг хэрхэн superbowl-ийн аварга болсон тухай гээд зөвхөн зуршлын хүчээр бий болсон олон гайхалтай бизнес, спорт, хувь хүний түүхийг энэ номноос олж уншаарай.

Цааш унших

Сэдэв: Зайрмаг

Ажлын цагаа хувиарлахад гаргадаг түгээмэл 7 алдаа

Posted by М.Баярмаа on Sep 28, 2018 8:46:34 AM

 

7 хоног бүр хэт их ачаалалтай ажиллан, хариуцаж авсан ажил болгоноо эцсийн хугацаанд нь амжуулж өгөхийн төлөөэрүүл мэнд, гэр бүлийн харилцаагаа золиосолж, шөнө дөл болтол ажиллах энэ дүр төрх чамд танил сонсогдож байвал чи гарцаагүй цагийн менежментээ эргэн нэг харахаас өөр аргагүй нөхцөл байдалд оржээ. Өчигдрийн ажлын үргэлжлэлээ өнөөдөр хийж, өнөөдрийн ажлаа дуусгаж амжилгүй маргааш луу шилжүүлж, урсан өнгөрөх өдөр хоног бүрийг ямар ч зохион байгуулалт байхгүй, стрессээр дүүрэн үдэхгүйн тулд тун яаралтай ажлын цагаа зөв хуваарилж сурах дадалд суралцах хэрэгтэй шүү, найз минь. Тийм ч учраас хамгаас үнэтэй цаг хугацаагаа илүү үр дүнтэй, бүтээмжтэй ашиглахад чинь саад болдог хамгийн түгээмэл алдаануудыг  нэрлэж байна. Дайснаа таньж байж гэмээнэ, хэрхэн дарж авах төлөвлөгөө боловсруулна шүү дээ, тийм ээ.
Цааш унших

Сэдэв: Зайрмаг

Ээж нарт өгөх цагийн менежментийн зөвлөгөө

Posted by М.Баярмаа on Sep 27, 2018 11:31:35 AM

Бүгдийг амжуулах шаардлагагүй

Цааш унших

Сэдэв: Зайрмаг

Цахим ном татах

гоймонтой хоолны жор татах

Мэдээлэл авахаар бүртгүүлэх

Сүүлд нэмэгдсэн

ОНЦЛОХ БҮТЭЭГДЭХҮҮН:


Зөв аарцны ундаа

ХАМГИЙН ИХ УНШСАН

ОНЦЛОХ ЦАХИМ НОМ


Зайрмаг
Сүү сүүн бүтээндэхүүний амттан