<img height="1" width="1" style="display:none" src="https://www.facebook.com/tr?id=771804739617666&amp;ev=PageView&amp;noscript=1">

Амин дэмтэй цагаан хоолны жорууд

Нийтэлсэн Одсүрэн on Apr 19, 2017 4:47:34 PM

амин дэмтэй цагаан хоолны жорууд

Цагаан хоол гэхээр хүмүүсийн толгойд хамгийн түрүүнд махгүй, амтгүй хоол гэсэн ойлголт буудаг. Гэхдээ цагаан хоол нь амин дэмтэй төдийгүй биеэнд дэх хорт бодисоо бууруулахад тустай. Өдөр бүр биш хэдий ч 7 хоногт 1 удаа эсвэл сардаа 1 удаа цагаан хоол идэснээр таны эрүүл мэнд, гоо сайханд ямар их өөрчлөлт гарахыг хараарай. Урин дулаан цаг ирж байгаатай холбогдуулан цагаан хоолны жорыг бэлтгэн хүргэж байна. Амттай, тэжээллэг цагаан хоол хийж сурцгаая. 

Харчо шөл 

харчо шөл хийх жор

  1. Улаан лоолийг буцалсан усанд 2-3 минут хийгээд дараа нь шууд мөстэй хүйтэн усанд 1-2 минут болгоход хальс нь амархан ховхроно. Ингээд улаан лоолийг хальслаад жижиг дөрвөлжин хэрчинэ. Сонгино, сармисыг мөн жижиглэн хэрчинэ. Яншуйг угааж жижиглэн хэрчинэ. Халуун чинжүүний /чили/ гол үрийг цэвэрлэж аваад мөн жижиглэн хэрчээрэй. Самарыг автомат холигч/бутлагчинд хийж үйрүүлэн бутлаарай. Гараар бутлаж нүдсэн ч болно.
  2. Хайруулын тавганд 1 хоолны халбага ургамлын тос хийж халаагаад жижиглэн хэрчсэн улаан лооль болон 1 хоолны халбага томатны сүмс хийгээд 10 минут орчим зөөлөн гал дээр хутгана.
  3. Шөл хийх саванд 2 хоолны халбага ургамлын тос хийж халаагаад сонгиныг хийж зөөлөртөл нь 2 минут орчим дунд зэргийн гал дээр хуурна .Ингээд сармис, кинза, чили чинжүү, буталсан самрыг хийж холиод 2 минут орчим хуурна.
  4. Үүний дараа халуун ус хийж буцалгаад будааг хийж давслаад галын хэмийг зөөллөж, таглаж тавиад 5-10 минут зөөлөн буцалгана. Будаа зөөлөрч эхэлтэл. Дараа нь алхам  хуурсан улаан лоолийг шөлрүү хийж таглаад 5-7 минут зөөлөн буцалгана. Хамгийн сүүлд жижиглэн хэрчсэн яншуйгаар амтлаад галаас гаргалгүйгээр галын хэмийг унтрааж зуухан дээр 15-20 минут байлгаарай. Ингээд амтат шөлийг идэхэд бэлэн болно.

 

ХОЛБООТОЙ НИЙТЛЭЛ: Сэрүүлэгнээс чинь өмнө сэрээх амин дэмтэй шөлний жорууд

Ногоотой шөл 

ногоотой шөл

  1. Томатны сүмсийг бэлтгэнэ. Бэлэн лаазалсан сүмс хэрэглэж болно. Эсвэл 2-3 ширхэг улаан лоолийг хэрчиж няцлаж бэлтгээрэй. Шүүслэг тусмаа сайн. 
  2. Ургамлын тосыг гал дээр халаасны дараа сонгино, сармисыг хийж 1-2 минут хуурна. Дараа нь хашыг хийж зөөлөртөл нь дунд зэргийн гал дээр өнгөцхөн хуурна.
  3. Ингээд хэрчсэн лууван, чинжүү, халуун чинжүүг хийж зөөлөртөл нь хутгаж хуурна.
  4. Дараа нь давс, хар перцээр амтласны дараа улаан лоолийн сүмсийг хийж зөөлөн гал дээр өтгөртөл нь хутгаж хуурна.
  5. Ингээд шөл хийж таглаж тавиад 15-17 минут зөөлөн буцалгаад гоньд, яншуйгаар амтлаарай. Амтат шөл сайхан амттай болох болно.

 

Хуушуур

huushuur

  1. Хуушуурны орцуудыг бэлтгэнэ. Хүнсний ногоонуудыг угааж арчаад, хальслана. Мөн аль болох урт нарийн хэрчиж бэлтгэнэ.
  2. Хайруулын тавганд ургамлын тосыг хийж халаасны дараа жижиглэн хэрчсэн сармис, сонгиныг хийж 1 минут орчим хуурна. Дараа нь жижиглэн хэрчсэн лууванг хийж зөөлөртөл нь 3-4 минут хуураарай. Ингээд хэрчсэн мөөг болон бууцайг хийж үргэлжлүүлэн 2-3 минут хуурна.
  3. Хайруулын тавганд ургамлын тосыг хийж халаасны дараа жижиглэн хэрчсэн сармис, сонгиныг хийж 1 минут орчим хуурна. Дараа нь жижиглэн хэрчсэн лууванг хийж зөөлөртөл нь 3-4 минут хуураарай. Ингээд хэрчсэн мөөг болон бууцайг хийж үргэлжлүүлэн 2-3 минут хуурна.
  4. Ингээд гуриланд амтлаж шарсан ногооноос тааруулан тасдаж хийгээд чимхэнэ. Эсвэл сэрээний үзүүр ашиглан гурилны захыг дарж наалдуулан чимхээрэй.
  5. Ургамлын тосыг сайтар халаасны дараа хуушуурыг бор шаргал болтол хоёр талаас нь эргүүлэн шарна. Амталсан ногоог хуурсан тул хуушуур түүхийрнэ гэж айлтгүй, амархан болох болно.
  6. Тосыг сайтар шингээж гаргаарай.

 

Мэхээр

meheer

  1. Мэхээрээ нүдэж нунтаглана.
  2. Нунтагласан мэхээрээ нарийн шигшүүрээр шигшиж мэхээрийн гурил гаргаж авна.
  3. Хайруулын тавагт өрөмөө хийж зөөлөн гал дээр хайлуулна.
  4. Хайлуулсан өрмөн дээрээ гурил хийж сайтар хутгана.
  5. Дараа нь шигшсэн мэхээрийн гурилаа хийнэ. Дээр нь элсэн чихрээ нэмж, чихрийн амт оруулна
  6. Бэлтгэсэн хярамаа хайлмаг дээрээ хийж буцалгана.
  7. Бэлэн болсон хайлмагаа хөргөөд хэрэглэнэ.

 

Амталсан будаа

amtalsan budaa

  1. Цагаан будааг хүйтэн усанд угааж сайтар шүүнэ. Дараа нь 1 цайны халбага ургамлын тос /эсвэл хайлуулсан масло/, 1/4 цайны халбага давс, усыг хийж зөөлөн хутгасны дараа агшаагаарай. Будаа зөөлөн, сайхан амттай болох болно.
  2. Хайруулын тавганд 1,5 хоолны халбага ургамлын тос хийж халаагаад урт нарийн хэрчсэн бөөрөнхий сонгиныг хийж 3-4 минут зөөлөн болтол хуурна. Дараа нь кимчиг хийж зөөлөн гал дээр 2 минуь орчим хуурна.
  3. Ингээд илүү их халуун амт нэмэхийг хүсвэл нунтаг улаан чинжүү, паприка зэргийг хийж хуураарай.

 

Гоймонтой хуурга

гоймонтой хуурга

  1. Гоймонгоо буцалгаад хайруулын тавганд хийж бор шаргал болтол нь хуурна.
  2. Луувангаа жижиглэж үрээд гоймон дээрээ нэмээд хутгана.
  3. 3 ширхэг өндгөө нэмж сайн холино, дээр нь давс, хар перец, усныхаа талыг хийн сайн хольж хутгана.
  4. Үлдсэн усаа хийн сайн таглаад 6 минут жигнэнэ.

Хялбар болох гоймонтой цагаан хоолны жорыг багцлаад хүргэж байна.

Өрөмтэй гурил
Усанд өрөм, давс амтлагчаа хийж самарна. Буцалмагц нимгэн элдэж тасалсан гурил хэрчсэн бяслаг хийж хөөсийг нь намдтал зөөлөн гал дээр буцалгаж уг хоол бэлэн болно. Өвөл харвын цагт цагаан тос, аарцанд гурил буцалгаж идэх нь маш сайхан хоол болдог юм. Хэрэв та энэ хоолыг ногоотой хийе гэвэл эхлээд усандаа ногоогоо болтол нь буцалгана. Тэгэхгүй бол аарц өрмөнд ногоо төмс улам хатуурдаг.

Ногоотой цуйван
Та махаас бусдыг оруулан ногоотой цуйван хийж болно. Махны оронд шинэ бяслаг хөшиглөөд хийнэ. Амтанд чинжүү, перец, гоньд гаа зэрэг амтлагч байхад энэ хоол ямарч махтай хоолноос чинь дутахгүй.

Шарсан гоймон
Эхлээд та гоймонгоо сонгох хэрэгтэй. Агь компаний лапша гоймон болон уурагжуулсан гоймон арай илүү амттай, идэнгитэй  байдаг. Мөн герман, турк гоймон ч сайн. Гоймонгоо буцалж байгаа усанд хийж чанаж болгоно. Болсон гоймонгоо шүүлтүүрт шүүнэ. Тэгэхдээ хүйтэн усаар угаах юмуу, усанд сойж болохгүй. Хайруулын тавгаа сайн халааж ургамлын тос, /масло, зөөхий, шинэ өрөм, шар тос ч болно/ сонгиноо хуурна. Дараа нь шүүсэн гоймонгоо хийж зөөлөн галаар шарна. Энэ хоолыг хуурсан ногоотой хольж идэж болно.

ХОЛБООТОЙ НИЙТЛЭЛ: Иог, фитнессээр хичээллэж байгаа хүмүүс юу идэх вэ?

Олон төрлийн амттай гоймонтой хоол хийж сурахыг хүсвэл доорхи цахим номыг татаж аваарай. 

гоймонтой хоолны жор татах

Topics: Хоолны жор

Цахим ном татах

гоймонтой хоолны жор татах

Мэдээлэл авахаар бүртгүүлэх

Сүүлд нэмэгдсэн

ОНЦЛОХ БҮТЭЭГДЭХҮҮН:


Зөв аарцны ундаа

ОНЦЛОХ ЦАХИМ НОМ


Зайрмаг
Сүү сүүн бүтээндэхүүний амттан